Украина Миллий Коррупцияга Қарши Бюроси (НАБУ) ва Ихтисослаштирилган Коррупцияга Қарши Прокуратура (САПО) Украина Президенти Девонининг собиқ раҳбари Андрий Ермакка қарши айблов эълон қилди.
Агентликлар бу ҳақда ижтимоий тармоқлардаги постида эълон қилишди.
"НАБУ ва САПО Киев яқинидаги ҳашаматли қурилиш лойиҳаларида 460 миллион гривна (10,5 миллион доллар) миқдорида маблағни ювиш билан шуғулланган уюшган гуруҳни фош қилишди. Унинг иштирокчиларидан бири, Украина Президенти Девонининг собиқ раҳбарига қарши айбловлар қўзғатилди", дейилади баёнотда.
Таъкидланишича, айблов Украина Жиноят кодексининг 209-моддаси 3-қисми (жиноий йўл билан қўлга киритилган, уюшган гуруҳ томонидан ёки айниқса катта миқдорда содир этилган мол-мулкни ювиш) бўйича қўзғатилмоқда. Ушбу модда бўйича жазо мол-мулк мусодара қилинган ҳолда 8 йилдан 15 йилгача озодликдан маҳрум қилишдир.
Эслатиб ўтамиз, ўтган йилнинг ноябрь ойида НАБУ ва САП Тимур Миндич бошчилигидаги энергетика соҳасидаги йирик коррупция схемасини фош қилиш учун "Мидас" деб номланган кенг кўламли операцияни эълон қилишди.
2025 йил 17 ноябрь куни Зеленскийнинг ўша пайтдаги офиси раҳбари Ермак НАБУ ёзувларида пайдо бўлган бўлиши мумкинлиги ҳақида маълумот пайдо бўлди. 28 ноябрь куни эрталаб Ермакнинг офисида тинтув ўтказилди ва кечқурун у ишдан бўшатилди.
МДҲ давлатларида қанча Иккинчи жаҳон уруши қатнашчилари қолган?
Россия Москвадаги парадга борадиган етакчилар рўйхатини эълон қилди
Энди Тошкент вилояти йўлларида “Damas” ҳаракати чекланади
