Украина NATO'га аъзо бўлмайди — Доналд Трамп

АҚШ президенти Fox News'га берган интервюсида NATO'нинг кенгайиши Россия учун доимо ёқимсиз масала ҳисобланишини, ҳатто Владимир Путин мамлакат президенти бўлишидан олдин ҳам шундай бўлганини айтди.

Доналд Трампнинг бошқа баёнотлари:

◾️ Қримни Украинага қайтаришнинг имкони йўқ;

◾️ Зеленский мослашувчанлик кўрсатиши керак, Киев можарони ҳал қилиш учун муросага бориши зарур;

◾️ Биз Путин ва Зеленскийнинг учрашувини ташкил қиляпмиз;

◾️ Мен Путин ва Зеленский ўртасидаги илк учрашувда иштирок этишни режалаштирмаяпти, у икки томонлама форматда бўлиши керак;

◾️ Токи мен АҚШ президенти эканман, Америка қўшинлари Украинада бўлмайди;

◾️ Франция, Буюк Британия ва Германия Украинага ўз қўшинларини жойлаштирмоқчи. АҚШ Европага Украинада қўшинларни жойлаштиришда, жумладан, ҳаво орқали кўмак бериши мумкин;

◾️ Европа етакчилари Оқ уйда бўлиб ўтган учрашувда Украинанинг ҳудудий ён бериши зарурлигини тушуниб етди;

◾️ Россия — қудратли ҳарбий давлат, бу Ғарбга ёқадими йўқми буни тан олишимиз зарур;

◾️ Мен Россия президентига Европа етакчилари иштирокида қўнғироқ қилмадим. Бу Путинга нисбатан ҳурматсизлик бўлар эди;

◾️ Украина кўп ерларни олади;

◾️ Менимча, Путин ва Зеленский ўйлаганимдан бироз яхшироқ тил топишмоқда. Улар орасида ҳаммаси жойида. Мен уларни ҳеч қачон энг яқин дўстларга айланади, деб айтмаган бўлардим, аммо улар орасида ҳаммаси яхши;

◾️ СССР ва Россия ҳеч қачон NATO'ни ўз чегаралари ёнида кўришни истамаган, бу бoрада уларни тушунса бўлади;

◾️ Музокараларда қарорларни Путин ва Зеленский қабул қилади, АҚШ бу можаронинг иштирокчиси эмас;

◾️ Украина доимо Россия ва Европа ўртасидаги буфер ҳудуд бўлиб келган. То Байден Украинага миллиардлаб доллар бера бошламагунча, ҳаммаси яхши эди.