Россиянинг бутун мамлакат бўйлаб кенг кўламли бостириб кириши бошланганидан бери тўққиз ойдан камроқ вақт ичида Украинада жами 437 нафар бола ҳалок бўлди, деб хабар қилмоқда Украина ОАВлари мамлакат Бош прокуратурасига таяниб. Яна 839 нафар бола жароҳатланган.
“2022 йил 21 ноябрь тонг ҳолатига кўра, Украинада Россиянинг кенг кўламли қуролли тажовузи натижасида 1276 нафардан ортиқ бола жароҳатланган”, дейилади хабарда.
“Вояга етмаганлар прокуратурасининг расмий маълумотларига кўра, 437 нафар бола ҳалок бўлган. 839 нафари турли даражадаги тан жароҳати олди”.