Луганск вилояти маъмурияти раҳбари Сергей Гайдай жума куни эрталаб Украина армияси Северодонецкни тарк этишга мажбур бўлишини ёзди.
“Афсуски, биз Северодонецкдан ҳарбийларимизни олиб чиқишга мажбур бўламиз, чунки бузилган позицияларда қолишнинг маъноси йўқ: қурбонлар сони ортиб бормоқда”, деб ёзади Гайдай.
Гайдай сўзларига кўра, руслар тўрт ойдан бери ҳар куни бомбардимон қилаётган Северодонецкда биноларнинг 90 фоизи вайрон бўлган ёки шикастланган.
