Украина 6-12 ой давомида жанглар ўтказиш учун етарлича аскарга эга — The New York Times

Нашр бу ҳақда Пентагонга яқин бўлган расмий манбага таяниб ёзмоқда.

Бироқ ушбу муддатдан кейин Киев аскарларнинг жиддий етишмовчилигига дуч келиши мумкин. Маълумотларга кўра, Киев яқинда ташкил этилган бригадаларни Россиянинг Курск вилоятидаги ҳужумни қўллаб-қувватлаш учун жўнатган. Бу эса уларни шарқий ва жанубий фронтни ҳимоя қилиши ёки 2025 йилги қарши ҳужум учун захира сифатида фойдаланиш режаларига зид келади.

"Ёзда америкалик таҳлилчилар Россия яқин ойларда Украинада сезиларли муваффақиятга эриша олмайди, деб ҳисоблашган эди. Бироқ бу нотўғри бўлиб чиқди. Россия армияси ўзгарди ва энди олдинга интилмоқда", деб ёзади NYT.