АҚШдаги учта республикачи штат — Ғарбий Вирджиния, Жанубий Каролина ва Огайо — юзлаб миллий гвардия аскарларини мамлакат пойтахти Вашингтонга йўлламоқда. Бу чоралар президент Дональд Трамп маъмурияти томонидан эълон қилинган «жамоат хавфсизлиги соҳасида фавқулодда ҳолат» доирасида амалга оширилмоқда.
Мақсад — тартибни таъминлаш ва жиноятчилик даражасини пасайтириш.
Жанубий Каролина губернатори Генри Макмастернинг маълум қилишича, Пентагон сўровига кўра, пойтахтга 200 нафар ҳарбий йўлланган. Бироқ у қайд этганидек, улар ураган ёки бошқа фавқулодда ҳолат юз берганда штатга қайтариб олинади.