Uchta AQSh shtati Vashingtonga milliy gvardiyachi yubormoqda

AQShdagi uchta respublikachi shtat — G‘arbiy Virdjiniya, Janubiy Karolina va Ogayo — yuzlab milliy gvardiya askarlarini mamlakat poytaxti Vashingtonga yo‘llamoqda. Bu choralar prezident Donald Tramp ma’muriyati tomonidan e’lon qilingan «jamoat xavfsizligi sohasida favqulodda holat» doirasida amalga oshirilmoqda.

Maqsad — tartibni ta’minlash va jinoyatchilik darajasini pasaytirish.

Janubiy Karolina gubernatori Genri Makmasterning ma’lum qilishicha, Pentagon so‘roviga ko‘ra, poytaxtga 200 nafar harbiy yo‘llangan. Biroq u qayd etganidek, ular uragan yoki boshqa favqulodda holat yuz berganda shtatga qaytarib olinadi.