Туркиянинг жанубида жойлашган Хатае вилоятида Ўрта ер денгизи соҳили бўйлаб кетувчи 26 кмлик велойўлак очилди. Эътиборлиси, велойўлак бирорта бошқа йўл билан кесишмайди ва дунёдаги энг узун велойўлак деб эътироф этилмоқда.
Йўлак денгиз соҳилига параллел равишда автотрасса бўйлаб кетган. У Самандағ ва Арсуз аҳоли пунктларини бир-бири билан боғлайди.
Хатае вилояти губернатори Раҳми Дўганнинг таъкидлашича, велойўлакни икки йўналиш бўйича қўллаш мумкин. Шу сабабли 52 км узунликка эга маршрут ҳосил бўлади.
Велосипедчи Толга Озчеликнинг сўзларига кўра, ушбу бўлак сайёҳлар учун ҳам, маҳаллий аҳоли учун ҳам муҳимдир.
"Ягона салбий томони шундаки, баъзи ҳайдовчилар огоҳлантирувчи белгиларсиз йўлни кесиб ўтишади", деди у.
Велойўлак бўйлаб 5 та дам олиш жойини ташкил этиш режалаштирилган. Шунингдек, жорий йилдаёқ унда миллий ва халқаро мусобақалар ўтказилиши кутилмоқда.
2023 йилга келиб, мамлакатда 4,775 километрлик велосипед йўлларини яратиш режалаштирилган.
Шойгу уруш тугайдиган “аниқ ва шубҳасиз” санани маълум қилди
Россия қўшинлари Авдeевка шимоли-ғарбидаги Украина фронтини ёриб ўтди
Microsoft битта тасвирдан видео яратадиган янги нейрон тармоқни тақдим қилди
