Туркия ўзбекистонликларни ўзига тортаётган давлатга айланди – 3 ойда рекорд натижа

Миллий статистика қўмитаси маълумотларига кўра, 2025 йилнинг январь-март ойларида жами 46,6 минг нафар Ўзбекистон фуқаролари туристик мақсадларда Туркияга сафар қилган.

Бу кўрсаткич ўтган йилнинг мос даври билан солиштирилганда 12,2 минг нафарга ёки 35,5 % га ошган.

Жорий йилнинг январь-март ойларида Туркияга борган Ўзбекистон Республикаси фуқаролари сафар мақсадлари бўйича қуйидагича:

сайёҳлик – 35 016 нафар;
қариндошларни йўқлаш – 9 995 нафар;
даволаниш – 668 нафар;
ўқиш – 527 нафар;
хизмат юзасидан – 360 нафар.