Украинадаги можаро бурилиш нуқтасига яқинлашмоқда, шунинг учун дипломатия адолатли келишувга эришишнинг ягона йўли. Бу фикрни Туркия ташқи ишлар вазири Хоқон Фидан билдирди , деб хабар беради “ТАСС” .
“Украинада қарийб тўрт йилдан бери давом этаётган уруш энди бурилиш нуқтасига яқинлашаётганини кўряпмиз. Биз ишонамизки, бу ҳолатда дипломатия адолатли қарор қабул қилишнинг ягона йўли бўлиб, у ҳам доимий бўлади”, — деди дипломат.
Фиданнинг таъкидлашича, Анқара Украина можаросини тезроқ тугатишга эришиш учун “музокаралар жараёнини жонлантириш”га қаратилган тинчлик ташаббусларини қўллаб-қувватлашга тайёр.
