Расмий натижалар сайловдан кейинги уч кун ичида эълон қилинади. Сайловда танқидчилари томонидан автократ сифатида кўриладиган амалдаги президент Каис Саид ғалаба қозониши кутилмоқда.
Тунисдаги президентлик сайловида ўндан ортиқ сиёсатчи ўз номзодини илгари сурди, бироқ сайлов комиссияси улардан фақат иккитасини сайловда иштирок этишини тасдиқлади.
Амалдаги президент Кайс Саиднинг рақибларидан бири Аячи Заммел овоз беришдан атиги беш кун олдин ҳужжатларни сохталаштирганлик айблови билан 12 йиллик қамоқ жазосига ҳукм қилинди.
Тунисда 2010 йил охирида Шимолий Африка ва Яқин Шарқдаги автократик ҳукмдорларга қарши бир қатор қўзғолонларни ўз ичига олган “араб баҳори” бошланган эди. Тунисдаги оммавий норозилик намойишлари 2011 йилда йигирма йилдан кўпроқ вақт давомида ҳокимиятда бўлган президент Зин ал-Обидин Бен Алининг ҳокимиятдан ағдарилиши билан якунланган.