Хабарингиз бор, 14 июнь куни АҚШнинг 45-президенти Дональд Трамп 75 ёшини нишонлади. Юбилей муносабати билан унинг энг машҳур фикрларини ёдга оламиз.
Трамп ўтган асрнинг 70-йилларида, қурилиш бизнеси билан шуғулланишни бошлагач машҳурлашиб кетди. У ўзининг тадбиркорликдаги йўлини нолдан бошламаган, балки бувиси ва отаси 1923 йилда асос солган The Trump Organization компаниясида иш бошлади. Шунингдек, у оилавий бизнесини кенгайтириб, Trump Entertainment Resorts (казино ва меҳмонхоналар ишини ташкил этиш) ва Trump Production (ТВ-шоу)га асос солди.
Трамп 2016 йилги президентлик пойгасида Билл Клинтоннинг турмуш ўртоғи Хиллари Клинтонга қарши қаттиқ курашган эди. Трампнинг «Агар Хиллари Клинтон ўз эрини рози қила олмаса, нега у бутун Американинг рози қилишига ишонмоқда?”, – деган гапи шов-шувга сабаб бўлган эди.
Трамп тадбиркорликда йўлини қандай бошлагани ҳақида ҳам айтиб берган.
«Менга осон эмас эди. Мен Бруклинда бошлаганман. Ўшанда отам менга бироз пул қарзга бериб турган – қарийб 1 миллион доллар”
«Дунёда ҳеч нарсани аёлларчалик яхши кўрмайман. Аммо улар ўзларини кўрсатганларидек эмас. Улар эркаклардан анча ёмон, анча агрессив”
Колумбиялик ҳамкасби Хуан Мануэль Сантос билан учрашувдан кейинги матбуот анжумани Трамп тақиқланган модда – кокаин ҳақида гапира туриб икки марта “какао” деб юборди.
«Ўтган йил Колумбияда какао етиштириш ва какаин ишлаб чиқариш рекорд даражага етди. Биз бу тезда тўғриланишига ишонамиз”, деди Трамп. Унинг какао ҳақидаги фикри бутун дунёга табассум улашди.