Трамп яқин орада Хитойга эҳтимолий ташрифини маълум қилди

АҚШ президенти Дональд Трамп яқин келажакда Хитойга ташриф буюриши мумкинлигини тан олди.

Бу ҳақда Дональд Трамп Оқ уйда Филиппин президенти кичик Фердинанд Маркос билан учрашувда айтиб ўтди.

"Хитой раҳбари Си Цзиньпин мени мамлакатга ташриф буюришни таклиф қилди ва биз буни яқин келажакда амалга оширишимиз мумкин", — деди Трамп. Унинг қўшимча қилишича, тез орада бу масала бўйича якуний қарор қабул қилади.

Эслатиб ўтамиз, аввалроқ ХХР раиси Си Цзиньпин Хитойда Россия ва АҚШ президентлари – Владимир Путин ва Дональд Трамп иштирокида уч томонлама учрашув ташкил этиш ниятида экани ҳақида хабар берилганди. The Times нашрининг ёзишича, Вашингтон ва Пекин ўртасидаги сўнгги қатор савдо келишувлари Трампнинг Хитойга бўлган муносабатига таъсир кўрсатган ва АҚШ президентининг сентябрда бўлиб ўтадиган саммитда иштирок этиши мумкинлиги ҳақидаги тахминларга сабаб бўлган.