АҚШ президенти Дональд Трамп Нобель тинчлик мукофотига муносиб эканини маълум қилди. Бироқ Reuters агентлиги қайд этишича, Оқ уй раҳбари ушбу мукофотни қўлга киритиш имкониятига шубҳа билан қарамоқда.
«Уларнинг қарори қандай бўлишини билмайман. Уларнинг обрўси шундайки, эҳтимол, менга ўхшаган одамларга мукофот беришмайди», — деди Трамп.
«Вақти келди», — дея қўшимча қилди АҚШ президенти.
Эслатиб ўтамиз, жума куни Норвегия Нобель қўмитаси 2026 йилги Нобель тинчлик мукофоти соҳибини эълон қилади. Бу йилги мукофот учун асосий номзодлар қаторида Рим папаси, Халқаро жиноят суди ҳамда Фаластин ҳудудлари бўйича БМТнинг махсус маърузачиси тилга олинмоқда.
Трамп 2025 йилда Оқ уйга қайтганидан буён бир неча бор дунёдаги энг нуфузли мукофотлардан бири саналган Нобель тинчлик мукофотига муносиб эканини таъкидлаб келмоқда.
АҚШ президентининг фикрича, у иккинчи президентлик муддати бошланганидан кейин саккизта можарога аралашган ва, ўзининг таъкидлашича, уларни ҳал қилишга муваффақ бўлгани учун ушбу мукофотни олиши керак.
Икки футболчи зўрлаш ишида қўлга олинди
«Биз тайёрмиз»: Мерц Киевдан Путинга мурожаат қилди
2 давлат Украинага ёрдам беришдан бош тортди
