АҚШ президенти Дональд Трамп Хитой раҳбари Си Цзиньпин билан телефон орқали суҳбатдан сўнг TikTok бўйича келишувни маъқуллаганини эълон қилди.
“Биз Президент Си билан аъло суҳбатлашдик ва TikTok битимини маъқулладик. Ҳозирда жараён давом этмоқда. Бизда яхши сармоядорлар бор ва келишувни якунлашни интиқлик билан кутяпмиз”, — деди Трамп Оваль кабинетда журналистларга.
Унинг таъкидлашича, TikTok’нинг харидорлари америкалик шахслар ва компаниялар бўлиб, улар платформа устидан тўлиқ назоратни қўлга олади.
Трамп, шунингдек, Си Цзиньпин билан Россия–Украина можаросини муҳокама қилганини ва Хитой раҳбари низони бартараф этиш тарафдори эканини билдирди.
Президент икки давлат раҳбарлари Жанубий Кореядаги APEC саммитида учрашиши ва кейинчалик ўзаро ташрифлар уюштиришга келишиб олганини ҳам қўшимча қилди.
Дунёдаги энг қашшоқ давлатлар
Покистонда «келинлар бозори» борлигини биласизми?
Дунёнинг энг қиммат автомобиль брендлари номи маълум бўлди
