АҚШда президент Дональд Трамп ва жинсий зўравонликда айбланган ҳамда кейинроқ вафот этган миллиардер Жеффри Эпштейнни қўл ушлашган ҳолда тасвирловчи ҳайкал Вашингтондаги Миллий Малл ҳудудида иккинчи бор ўрнатилди.
Ҳайкал “Бест Friends Forever” (Абадий энг яқин дўстлар) деб номланган бўлиб, уни номаълум рассом яратган. У илк бор 2025 йил 24 сентябрда рухсатсиз тарзда ўрнатилган ва тез орада олиб ташланган эди. Кейинчалик зарурий ҳуқуқий рухсатномалар олингач, ҳайкал 2 октябрь куни яна ўз жойига тикланди.
Бу ҳайкал ижтимоий тармоқларда ва АҚШ оммавий ахборот воситаларида катта мунозараларга сабаб бўлмоқда. Кўплаб шарҳловчилар бу ишни сиёсий акс-садо берувчи санъат намунаси деб баҳоламоқда, айримлар эса бу орқали президент обрўсига путур етказилаётганини таъкидламоқда.
Ҳайкал рухсат асосида ўрнатилган бўлса-да, унинг қанча вақтгача туриши номаълум.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Пенсионерлар ер ва мол-мулк солиғидан озод этилдими?
