Трамп ўзини Линколн ва Вашингтондан ҳам юқори қўйди

АҚШ президенти Дональд Трамп мамлакат президентларига ўз баҳосини бериб, ўзи тузган рейтингда ўзини «энг буюк» деб атади.

Трамп Truth Social ижтимоий тармоғида эълон қилган рўйхатда ўзи учун алоҳида «Энг буюк» тоифасини ажратган. Авраам Линколн, Жорж Вашингтон, Франклин Рузвелт, Вудро Вилсон, Томас Жефферсон ва Эндрю Жексон эса «Буюклар» қаторига киритилган.

Рейтингнинг энг қуйи қисмига эса Жо Байден, Барак Обама, Жимми Картер, Улисс Грант ва Уоррен Гардинг жойлаштирилган. Трамп уларни «муваффақиятсиз» президентлар сифатида баҳолаган.

Шу билан бирга, рўйхатга Рональд Рейган, Жон Кеннеди, Дуайт Эйзенхауэр ва яна бир қатор собиқ президентлар умуман киритилмаган. Трамп бунинг сабабини изоҳламаган.