"Доналд Трамп Оқ уйни тарк этганидан кейин ҳам ўзи ташкил этаётган Тинчлик кенгашига раҳбарлик қилишда давом этиши мумкин", деб ёзмоқда Bloomberg агентлиги Оқ уй расмийсига таяниб.
Bloomberg суҳбатдошининг аниқлик киритишича, кенгаш раиси лавозими Трампга унинг ўзи бу лавозимдан истеъфога чиққунига қадар бириктирилади.
Шунингдек, манба Қўшма Штатларнинг кейинги президенти кенгашга ўз номзодини илгари суриши мумкинлигини, у кенгашда АҚШ вакили сифатида иштирок этишини қўшимча қилган.
Тинчлик кенгаши Трампнинг тинчлик режасига мувофиқ урушдан кейин Ғазо секторини бошқариш органи сифатида ишлаб чиқилган. Бироқ Bloomberg танишиб чиққан низомга кўра, Тинчлик кенгаши анча кенгроқ функцияларга эга ва у БМТнинг муқобили бўлиши мумкин.
Bloomberg'нинг қайд этишича, кенгаш низомида мамлакатлар доимий аъзолик учун камида бир миллиард доллар бадал тўлаши кераклиги ҳақида банд ҳам бор. Бу маблағларни эса Трамп назорат қилади.
Ҳатто ЙТҲдан кейин ҳам Адам Қодиров медал олиб келмоқда
Украина Россиянинг "Орешник" ракеталари учириладиган ракета майдончасига зарба берди
Хитой АҚШни Гренландия масаласи бўйича огоҳлантирди
