"Donald Tramp Oq uyni tark etganidan keyin ham o‘zi tashkil etayotgan Tinchlik kengashiga rahbarlik qilishda davom etishi mumkin", deb yozmoqda Bloomberg agentligi Oq uy rasmiysiga tayanib.
Bloomberg suhbatdoshining aniqlik kiritishicha, kengash raisi lavozimi Trampga uning o‘zi bu lavozimdan iste’foga chiqquniga qadar biriktiriladi.
Shuningdek, manba Qo‘shma Shtatlarning keyingi prezidenti kengashga o‘z nomzodini ilgari surishi mumkinligini, u kengashda AQSh vakili sifatida ishtirok etishini qo‘shimcha qilgan.
Tinchlik kengashi Trampning tinchlik rejasiga muvofiq urushdan keyin G‘azo sektorini boshqarish organi sifatida ishlab chiqilgan. Biroq Bloomberg tanishib chiqqan nizomga ko‘ra, Tinchlik kengashi ancha kengroq funksiyalarga ega va u BMTning muqobili bo‘lishi mumkin.
Bloomberg'ning qayd etishicha, kengash nizomida mamlakatlar doimiy a’zolik uchun kamida bir milliard dollar badal to‘lashi kerakligi haqida band ham bor. Bu mablag‘larni esa Tramp nazorat qiladi.
AQSh Eron neft eksportining 90 foizini nazorat qiluvchi Xark orolini egallashni rejalashtirmoqda
Eronning yangi oliy rahbari saylandi, ammo...
Amerikaliklar Trampning o‘g‘lini urushga yuborishni talab qilmoqda
