Трамп Украинага миллиардлаб доллар ёрдамни қайтаришни талаб қилмоқда — янги келишув шартлари маълум бўлди

Трамп Украинадан Россия босқини бошланганидан кейин АҚШ Киевга берган миллиардлаб долларлик ёрдамни қайтаришни талаб қилмоқда — Тhe New York Times.

Газетанинг ўз манбаларига таяниб хабар беришича, янги келишув қуйидагиларни ўз ичига олади:

— Украина Россиянинг кенг кўламли босқини бошланганидан кейин Қўшма Штатлардан ҳарбий ва молиявий ёрдам сифатида олган миллиардлаб долларларлик маблағларни қоплаши зарур;

— Украина табиий ресурсларни ўзлаштиришдан олинадиган фойданинг ярмини АҚШ назоратидаги фондга ўтказиши керак;

— Вашингтон то Киев уруш давомида олган барча пулларни устига йилига 4% қўшилган ҳолда қайтармагунча, ушбу фонддаги активларни мусодара қилишни талаб қилмоқда;

— Битимда Украина хавфсизлиги бўйича кафолатлар ҳақида ҳеч қандай сўз юритилмаган.