Трамп Украина бўйича музокаралардан чиқмайди — эксперт

АҚШ президенти Donald Trump Украинадаги можарони ҳал этиш бўйича музокаралардан воз кечмайди. Бу фикрни сиёсатшунос, Инновацион ривожланиш институти Геосиёсий тадқиқотлар маркази директори Дмитрий Родионов билдирди.

У RIA Novosti агентлигига берган интервьюсида Трамп учун ноябрь ойида бўлиб ўтадиган Конгресс сайловлари ҳал қилувчи аҳамиятга эга эканини таъкидлаган.

“Унинг учун бу сайловлар энг муҳим масала. Ич-ичидан у Украина масаласидан муайян сиёсий фойда олишга ҳали ҳам умид қилаётган бўлиши мумкин”, — деди Родионов.

Экспертнинг сўзларига кўра, агар Трамп сайловлар олдидан ушбу жараёндан сиёсий устунликка эриша олмаслигини англаса, АҚШнинг Украина инқирозини ҳал этишдаги иштироки сусайиши мумкин. Шу билан бирга, ҳатто сиёсий манфаат кўринмаса ҳам, Вашингтон расман музокаралардан чиқиб кетмайди, деб ҳисоблайди у.