Трамп Туркияда самолётини нега алмаштирди?

Хавфсизлик юзасидан шундай қилишим керак эди — Трамп Туркияда самолётини алмаштирганига изоҳ берди.

Қўшма Штатлар президенти Доналд Трамп июл ойида NATO саммитидан кейин Анқарадан кетишда самолётини алмаштирганини тан олди.

"Мен Махфий хизмат ва ҳарбийларнинг хавфсизлик бўйича кўрсатмаларига амал қиламан. Улар мендан бошқа рейсда, бошқа самолётда учишимни сўрашди. Мен уларнинг айтганини қилишим керак", — деди Трамп.

АҚШ президенти изоҳида ўзи ўтирган самолёт “улкан хавф остида” бўлганини таъкидлади.

Кеча Трамп 8 июл куни Анқарадаги NATO саммитидан қайтишда дастлаб Air Force One самолётига чиққани, кейинроқ эса озиқ-овқат фургони ёрдамида ҳарбий самолётга ўтказилгани акс этган видео тарқалди. Айнан шу фургон Трампни яширинча одатда вице-президент фойдаланадиган C-32А ҳарбий самолётига олиб ўтган.

Air Force One бортидаги журналистлар ва Оқ уйнинг айрим ходимлари президент яширинча бошқа самолётга ўтказилганидан бехабар бўлган. Трамп аввалроқ Анқарадаги саммит чоғида Эроннинг “биринчи рақамли нишони” эканини айтганди.