Трамп қисман шатдаун якунланганини айтди

Трамп ҳукуматни молиялаштириш ҳақидаги қонунни имзолаб, қисман шатдаунни якунлади, деб ёзмоқда Associated Press.

АҚШ президенти Доналд Трамп федерал ҳукумат фаолиятини молиялаштиришга оид қарийб 1,2 триллион долларлик қонун лойиҳасини имзолади. Ушбу қарор ҳафта охирида бошланган федерал ҳукумат фаолиятининг қисман тўхтаб қолиши, яъни шатдаунга барҳам берди.

"Қонун лойиҳаси Трамп томонидан АҚШ Вакиллар палатаси уни 214 га 217 овоз билан маъқуллаганидан сўнг дарҳол имзоланди. Президент ҳужжатни “Америка халқ учун катта ғалаба” деб атади", дея хабар бермоқда агентлик.

Мазкур овоз бериш АҚШ Конгрессининг ҳукумат идоралари ва дастурларини 30 сентябргача молиялаштирувчи 11 та йиллик бюджет ҳужжати бўйича ишларини якунлади.

"Ҳужжат янги сиёсий баҳсларга ҳам замин яратди. Чунки қонун Ички хавфсизлик вазирлигини (DHS) фақат икки ҳафтага — 13 февралгача молиялаштиришни назарда тутади. Бу қарор Демократларнинг АҚШ божхона ва иммиграция назорат хизмати(ICE) фаолиятини чеклашни талаб қилгани билан изоҳланмоқда", дейилади хабарда.