Трамп: "Мен Эрон билан келишувга эришишни афзал кўраман"

АҚШ президенти Дональд Трамп Вашингтон Эрон билан маслаҳатлашувларни давом эттиришини ва келишувга эришишни кутаётганини маълум қилди.

Америка етакчиси бу баёнотни Невада штатининг Лас-Вегас чеккасидаги нутқида айтди.

"Мен одамларни ўлдиришни истамаганим учун келишув тузишни афзал кўраман. Лекин биз гаплашяпмиз. Келинг, нима бўлишини кўрамиз", деди Трамп.

Унинг сўзларига кўра, Эрон ҳукумати Қўшма Штатларни ҳурмат қилади.

АҚШ ва Исроил 28 февраль куни Эронга қарши ҳарбий операция бошладилар. Июнь ойида Вашингтон ва Теҳрон ҳарбий ҳаракатларни тўхтатишга чақирувчи ўзаро англашув меморандумини имзоладилар. Бироқ, 8 июль кечаси АҚШ Эронга қарши кенг кўламли ҳужумларни қайта бошлади ва Теҳронни Ҳормуз бўғози бўйича келишув шартларини бузганликда айблади.