АҚШ президенти Дональд Трамп сув таъминоти шартномасини бузгани учун Мексикага 5 фоизлик бож жорий этишини маълум қилди.
Америка етакчиси бу ҳақда Truth Social нашрида маълум қилди.
"Ҳозирги вақтда Мексика АҚШ сўровларига жавоб бермаяпти ва бу жуда зарур бўлган сувга лойиқ бўлган америкалик фермерларга нисбатан ўта адолатсизликдир. Шу сабабли, агар бу сув зудлик билан берилмаса, Мексикага 5 фоизлик бож жорий этишга рухсат берувчи ҳужжатларни тайёрладим", деб ёзган Трамп.
Аввалроқ The Washington Post газетаси Мексиканинг ўзи қурғоқчиликдан азият чекаётгани учун ўнлаб йиллар давомида "АҚШга сув етказиб беришга қаршилик кўрсатиб", келишувни бузганини хабар қилган эди.
Мамлакатлар 1944 йилда шартнома имзолаган бўлиб, унга кўра Мексика ҳар беш йилда Рио-Гранде дарёси ҳавзасидан АҚШга тахминан 2,2 миллиард куб метр сув юборишга рози бўлган, АҚШ эса Колорадо дарёсидан тескари йўналишда 1,8 миллиард куб метр сув юборишга рози бўлган.
Келаётган ҳафта Ўзбекистонда совуқ ҳаво кутилмоқда
Россия Сибир дарёлари сувини Марказий Осиё билан бўлишмайди — олимлар фикри
Муҳаммад Салоҳ жазоланадиган бўлди
