Трамп кутилмаган суратларни эълон қилди

Трамп Канада ва Гренландия АҚШ таркибига кириши акс этган суратларни эълон қилди.

Трамп Truth Social ижтимоий тармоғида сунъий интеллект ёрдамида яратилган расмни жойлаштирди. Суратда президент Гренландия ҳудудига АҚШ байроғини ўрнатаётган ҳолатда тасвирланган. Трампнинг ёнида вице-президент Вэнс ва давлат котиби Рубио ҳам акс этган.

Шунингдек, ушбу расмда "Гренландия. 2026 йилдан бошлаб — АҚШ ҳудуди", деган ёзувни ҳам кўриш мумкин.

Бундан ташқари, АҚШ президенти яна бир пост эълон қилди. Унда Трамп Оқ уйнинг Овал кабинетида Европа етакчилари қуршовида тасвирланган. Орқа фонда эса АҚШ харитаси жойлашган бўлиб, унда Канада, Гренландия ва Венесуэла ҳудудлари ҳам АҚШ байроғи кўринишида тасвирланган.