Трамп Курлика номли куркани афв этди

АҚШ Президенти Дональд Трамп миннатдорчилик куни муносабати билан Курлика номли куркани расман афв этди.

У ҳазиломуз тарзда “Аввал курканинг суратини кўрганимда уни Нэнси Пелоси деб аташни ўйладим, лекин бундай ном қўйсам, уни ҳеч қачон афв этмасдим”, деди.

Қўшма Штатларда ноодатий анъана бор. Шукрона кунида президент “афв этиши” учун Оқ уйга курка олиб келинади. Шундан сўнг сўйилишдан сақлаб қолинган жонивор махсус фермага ёки университет боғига юборилади, у ерда умрининг охиригача яшайди.

Баъзи манбаларга кўра, анъана илдизлари XIX асрга бориб тақалади. Расман эса 1989-йилда "Катта Буш" томонидан бошланган. Хуллас, Трамп ҳам шу одатга мувофиқ иш қилибди.