Трамп: "Куба ҳукумати қулаш арафасида турибди"

АҚШ президенти Дональд Трамп Куба ҳукумати даромад етишмаслиги сабабли қулаш арафасида эканини айтди.

"Ўйлайманки, сиз Куба қулашга тайёрлигини кўряпсиз. Куба қулашга тайёрдек кўринади. Улар қандай дош беришларини ёки чидашадими, билмайман", деди Трамп.

Унга кўра, Куба ҳозирда ҳеч қандай даромадга эга эмас. "Улар барча даромадларини Венесуэла нефтидан олаётган эдилар, энди эса бошқа олишмаяпти. Куба эса том маънода қулашга тайёр", - дея қўшимча қилди АҚШ президенти.

Вашингтоннинг Гаванага қарши эҳтимолий ҳарбий ҳаракатлари ҳақидаги саволга жавоб берар экан, Трамп бундай ҳаракат зарурлигига ишонмаслигини айтди. "Менимча, у шунчаки қулайди. Менимча, ҳеч қандай чора кўриш керак эмас, шунчаки қулаб кетадиганга ўхшайди", - дейди у.