Трамп: "Исроил Ғазога ўт очишни тўхтатишга рози бўлди"

АҚШ президенти Дональд Трамп АҚШ ва Исроил расмийлари Ғазода ўт очишни тўхтатиш шартлари бўйича келишиб олганини айтди.

У бу ҳақда Truth Social ижтимоий тармоғида ёзган.

"Исроил 60 кунлик ўт очишни тўхтатиш бўйича зарур шартлар бўйича келишиб олди, бу муддат давомида биз барча томонлар билан урушни тугатиш учун ишлаймиз. Тинчлик ўрнатилиши учун кўмаклашган Қатар ва Миср бу якуний таклифни тақдим этади", - дейилади баёнотда.

АҚШ президенти, шунингдек, “Яқин Шарқ манфаати учун” ХАМАС бу келишувни қабул қилишига умид билдирди, “чунки у яхшиланмайди, фақат ёмонлашади”.