Трамп: Исроил–Эрон можаросида ҳозирча Путиннинг воситачилигига эҳтиёж йўқ

АҚШ президенти Дональд Трамп Россия раҳбари Владимир Путиннинг Исроил ва Эрон ўртасидаги можарони ҳал этишда воситачилик қилиш таклифига ҳозирча қизиқиш билдирмаяпти.

Бу ҳақда Трамп журналистларга маълум қилди, деб хабар бермоқда "Report" нашри.

“У кечаги суҳбатимиз чоғида воситачи сифатида ёрдам беришни таклиф қилди. Мен эса унга: «Илтимос, аввал ўзингиздаги муаммони ҳал қилинг. Владимир, келинг, аввал Россия билан боғлиқ вазиятни ҳал қилайлик. Кейин сиз Эрон билан келиша оласиз», — дедим,” — деди АҚШ президенти.