АҚШнинг сайланган президенти Дональд Трамп маъмурияти 21 январдан, яъни у лавозимга киришган куниёқ ноқонуний муҳожирларни оммавий депортация қилиш ҳақидаги сайловолди ваъдаларини амалга оширишга киришади.
Бу ҳақда The Wall Street Journal (WSJ) хабар берди.
Уларга кўра, биринчи "мигрантларга қарши кенг кўламли рейд" Иллинойс штатининг Чикаго шаҳрида сешанба куни эрталаб бошланади ва ҳафта охиригача давом этади.
Операцияда АҚШнинг иммиграция ва божхона хизматининг 200 га яқин ходими иштирок этади. Уларнинг нишони биринчи навбатда жиноий ўтмишдаги ноқонуний муҳожирлар бўлади, деб ёзади газета. Чикагодан кейин мигрантлар рейдлари Нью-Йорк, Лос-Анжелес (Калифорния), Денвер (Колорадо) ва Майамида (Флорида) бўлиб ўтади, деб ёзади нашр.
Аввалроқ CNN телеканали Трамп жамоаси 20 январь куни инаугурация маросимидан бир неча соат ўтиб эълон қилинадиган “қаттиқ иммиграция” қонунчилиги пакетини якунлаётгани ҳақида хабар берган эди.
