Трамп Ҳўрмуз бўғозидаги вазият тўлиқ назоратда эканини билдирди

АҚШ президенти Дональд Трамп Ҳўрмуз бўғозидаги вазиятни тўлиқ назорат остига олганини даъво қилди.

У бу ҳақда Франциянинг TF1 телеканали журналисти билан телефон орқали суҳбатда айтган.

Трампнинг сўзларига кўра, у айрим иттифоқчиларидан хафа бўлган, аммо стратегик жиҳатдан муҳим ҳудуддаги вазият устидан тўлиқ назорат ўрнатилган.

Шунингдек, у аввалроқ Эрон Ҳўрмуз бўғозини доимий равишда очишга рози бўлганини ҳам билдирган эди.

Трампнинг таъкидлашича, Теҳрон Вашингтон кўмагида бўғоздаги денгиз миналарини тозалаш ишларини ҳам олиб бормоқда.

АҚШ президенти бу ҳолатни “бутун дунё учун ажойиб кун” деб атади.