АҚШ сенатори Линдси Грэмнинг айтишича, АҚШнинг сайланган президенти Доналд Трамп 2025 йил 20 январдаги инаугурациясидан олдин Ғазода ўт очишни тўхтатиш ва маҳбусларни озод қилишга эришмоқчи. Бу ҳақда Грэм Axios нашрига берган интервьюсида гапириб ўтди.
Ғазодаги можарони ҳал қилиш масаласи амалдаги президент Жо Байденнинг устувор вазифаларидан бири бўлиб қолмоқда. Бироқ, сўнгги ҳафталарда сезиларли тараққиётнинг йўқлиги бу вазифани Трамп маъмуриятига қолдириши мумкин.
Грэмнинг сўзларига кўра, Трамп гаровга олинганларни озод қилиш ва урушни имкон қадар тезроқ тугатиш бўйича келишувга эришиш тарафдори.
«У буни ҳозир содир бўлишини хоҳлайди. Трамп маҳбуслар масаласига эътибор қаратган ва уларнинг озод этилишини ўз ичига олган сулҳни қўллаб-қувватлайди. У қотилликлар тўхтатилишини истайди», — деди сенатор.
Грэм ўтиш даврида Байден ва Трамп маъмуриятлари бу масалада биргаликда ишлай олишларига умид қилишини айтди. Трамп Ғазо можаросини ҳал қилиш Исроил ва Саудия Арабистони ўртасидаги муносабатларни нормаллаштириш ва Эронга қарши иттифоқ тузиш каби ташқи сиёсат режаларини амалга ошириш учун зарур, деб ҳисоблайди.
Аввалроқ Жо Байден Исроил ва Ливандаги «Ҳизбуллоҳ» ҳаракати ўртасида ўт очишни тўхтатишни эълон қилган эди. Трамп жамоасининг фикрича, бу келишув республикачиларнинг сайловлардаги ғалабаси туфайли амалга оширилган.
Жанубий Корея қирувчилари Россия ва Хитой ҳарбий самолётларига қарши
Полша Украина можаросида Россия ғалаба қозонганини эълон қилди
«Орешник» «жуда ката» зарар етказади
