Трамп Эронни қўллаб-қувватлаган давлатларга таҳдид қилди

Шунингдек, Трамп Эронга қарши “энг кучли иқтисодий амалиёт” бошлашини эълон қилди. АҚШ президенти Доналд Трамп Эронга ҳар қандай кўринишда ёрдам берадиган давлатлар жиддий иқтисодий оқибатларга дуч келишини билдирди. Трамп Эронга молиявий ташкилотлар, компаниялар, аэропортлар ёки давлат идоралари орқали “ҳар қандай ёрдам” кўрсатган мамлакатларга “мисли кўрилмаган иқтисодий уруш ва санкциялар” қўлланишини таъкидлади. У Вашингтон Теҳрон билан урушни якунлаш ва Ҳўрмуз бўғози орқали нефт ташишни тиклашга уринаётган бир пайтда мамлакатга нисбатан иқтисодий босимни кучайтиришини таъкидлади. Бироқ АҚШ президенти қайси давлатларга нисбатан қандай чоралар кўрилишига аниқлик киритмади.