АҚШ президенти Доналд Трамп журналистларга АҚШда доимий яшаш ҳуқуқини берувчи ва беш миллион доллар эвазига АҚШ фуқаролигини олиш имконини яратувчи "олтин карта"ни кўрсатди.
Олтин рангли тўртбурчак пластикда Трампнинг сурати туширилган ва "Трамп картаси" деб ёзилган. Президент самолётида у билан бирга учаётган журналистларга Трамп бундай карталар сотувини "кейинги бир-икки ҳафта ичида" йўлга қўйишни режалаштирганини маълум қилди. АҚШ президенти, шунингдек, айнан ўзи "Трамп картаси"нинг биринчи эгаси эканлигини таъкидлади.
Трамп "олтин карталар"ни беш миллион долларга сотиш режалари ҳақида дастлаб 25 февралда эълон қилган эди. Ўшанда ҳам АҚШ президенти дастур "икки ҳафтадан сўнг" ишга туширилишини айтган эди.
Журналистларнинг "рус олигархлари" бундай картани харид қила оладими, деган саволига жавоб берар экан, Трамп бунинг учун ҳеч қандай тўсиқ кўрмаётганини билдирди. "Мен баъзи рус олигархларини биламан, улар жуда ёқимли одамлар," деди у.
АҚШда ҳозирда EB-5 дастури ишламоқда, унинг доирасида тахминан бир миллион доллар сармоя эвазига мамлакатда яшаш ва ишлаш ҳуқуқини берувчи грин-карта олиш мумкин.
Роналдунинг ўзи ва оиласи хавф остида!
Тайванлик овчи қарийб 90 минг долларлик балиқ тутди
АҚШ Гренландияни қандай босиб олишни ўйлаб топди
