Тошкентнинг икки туманида эртага "свет" вақтинча ўчирилади

Тошкент шаҳрининг икки тумани: Яшнобод ва Бектемирда 7 декабрь куни электр таъминоти вақтинча ўчирилади. Бу ҳақда “Ҳудудий электр тармоқлари” АЖ Тошкент шаҳар филиали хабар берди.

Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, қиш мавсумига пухта тайёргарлик кўриш мақсадида эртага, 7 декабрь куни қуйидаги манзилларда электр таъминоти вақтинча ўчирилади:

• Яшнобод тумани: “Ташисти” МФЙнинг айрим ҳудудларида соат 09:00 дан 17:00 гача;
• Бектемир тумани: “Гулбоғ” ҳамда “Нурафшон” МФЙларининг айрим ҳудудларида 09:00 дан 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган. “Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.