Тошкентдаги ўз-ўзига хизмат кўрсатадиган “мойка"ларнинг даромади қанча?

Бугунги кунда юртимизда ўз-ўзига хизмат кўрсатувчи автомобиллар ювиш шохобчалари сони кўпаймоқда. Масалан «DC-Moyka» нинг пойтахтда 9 та филиали бор.

Бизнес-премиум тоифадаги шохобчада 6 та пост бўлиб, унда 7 та ювиш функцияси мавжуд ва буни очиш нархи $120 минг кетган.

Ҳозир битта шохобчада кунига ўртача 400−500 автомобилга хизмат кўрсатилади. Ўртача чек нархи 15 минг сўмни ташкил қилади. Ойлик даромад $15−20 мингни ташкил этади.

Харажатлар, бир ойда сув учун 1-1,5 млн сўм, электр энергияси учун ундан кўпроқ, яъни 4,5-5 млн сўмгача тўланади. Бир ойда битта мойка учун ўртача 26−27 млн сўмлик кимёвий моддалар сотиб оламиз. Шунингдек, бешта ходим учун ўртача 18−20 млн сўм ойлик ажратилади.