Тошкентда Темур Малик ва Буюк Ипак йўли кўчалари кесишмаси атрофидаги туннел йўлида тиргак деворнинг бир қисми ўпирилиб тушди.
Воқеа жойига зудлик билан авария хизматлари, техник мутахассислар ва масъул ташкилотлар вакиллари юборилган.
Ҳодиса содир бўлган ҳудуд ўраб олинган, зарур хавфсизлик чоралари кучайтирилган.
Тошкент шаҳар ҳокимлигига кўра, ҳозирда комплекс техник текширув ўтказилмоқда.
"Текширув якунланмагунча, узил-кесил хулоса чиқаришга ҳали эрта. Дастлабки тахминлар қаторида сўнгги кунлардаги кучли ёғингарчилик таъсири, жумладан, тупроқнинг ҳаддан ташқари намланиши ва конструкцияга тушадиган юкламанинг ортиши каби омиллар кўриб чиқилмоқда. Шу билан бирга, лойиҳавий ечимлар, қурилиш-монтаж ишлари сифати, дренаж тизимининг ҳолати, қурилиш назорати ҳамда объектни қабул қилиб олиш тартиби каби барча тегишли ҳолатлар ҳам текширилмоқда", дейилади ҳокимлик баёнотида.
Техник текширув якунлари бўйича тиклаш ишлари юзасидан қарор қабул қилинади. Қоидабузарликлар ёки ишларнинг лозим даражада бажарилмаганлиги аниқланса, масъул шахсларни белгиланган тартибда жавобгарликка тортиш чоралари кўрилади.
Тасдиқланган маълумотлар келиб тушишига қараб, жамоатчилик ва оммавий ахборот воситалари расмий каналлар орқали қўшимча тарзда хабардор қилиб борилади.
ФВВ маълумотига кўра, жабрланганлар йўқ.
АҚШ 24 соат ичида 200дан ортиқ аскарини йўқотди
Эрон АҚШга яна таҳдид қилди
Эрон бир шарт билан Яқин Шарқдаги можарони деэскалация қилишга тайёр
