Тошкент шаҳар Миробод туманида янги қурилаётган 14 қаватли бинода ёнғин содир бўлди. ФВВ ҳолат юзасидан маълумот берди.
Унга кўра, 11 июль куни соат 22:29 да Тошкент шаҳар Миробод тумани Авлиё ота кўчасида жойлашган янги қурилаётган 14-қаватли бинонинг 14-қаватидаги лифт шахтасида қуриган тахталар ёнган. 4 та ёнғин-қутқарув экипажи ва 2 та автонарвон соат 22:35 да воқеа жойига етиб бориб, ёнғин соат 22:54 да ўраб олинган ва 23:06 да ўчирилди.
Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмади. 15 кв.м майдон ёниб зарарланган.
