Тошкент метросида поезд вагони эшигини очиб ҳаракатланган машинистга нисбатан чора кўрилди.
Бу ҳақда «Тошкент метрополитени» ДУК ахборот хизмати маълум қилди.
Айтилишича, шу йилнинг 14 апрель, сешнаба куни соат тахминан 12:53 да Тошкент метросининг «Алишер Навоий» бекатида йўловчиларни қабул қилиб, ҳаракатланган 34-сонли ҳаракат таркиби машинисти Ш.А. эшикларни ёпиш буйруғини берганига қарамай, учинчи вагоннинг биринчи эшиги тўлиқ ёпилмаган.
Машинист эса эшик ёмилмаса-да, ҳаракатни давом эттирган. Кейинги бекатда поезд тўхтатилган ва йўловчилар туширилиб, ҳаракат таркиби техник кўрик йўлагига олиб кетилган.
Эшиклари очиқ ҳолатда ҳаракатлангани учун эса ҳолат юзасидан хизмат текшируви ўтказилиб, машинист Ш.А. Абилкасимовга нисбатан қатъий интизомий чора кўрилиши белгиланган.
Келтирилган ноқулайликлар учун йўловчилардан узр сўралди.
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
2040 йилда 33 та мамлакат сув танқислигига дуч келади
