King Long ҳайдовчиси бошқарувни йўқотган ва автобус йўл четидаги кўчат сотиладиган жойга кириб кетган.
Тошкент шаҳрида йўловчи ташувчи автобус бошқарувни йўқотиб, йўл-транспорт ҳодисаси содир этди. Бу ҳақда “Тошшаҳартрансхизмат” АЖ матбуот хизмати хабар бермоқда.
Ҳодиса 2024 йил 11 ноябр куни соат 06:00 ларда “18-автобус саройи” филиали тасарруфидаги King Long русумли, 121-сонли йўналишда ҳаракатланаётган автобус билан содир бўлган.
Автобус Халқа автомобил йўли кўчасининг Учтепа тумани Белтепа мазвеси бўйлаб ҳаракатланиб бораётган вақтда бошқарувни йўқотиб, йўл четидаги кўчатлар сотиладиган жойга кириб кетган.
Оқибатда 1 нафар йўловчи енгил тан жароҳати олган ва тез тиббий ёрдам кўрсатилган. Автобус техник шикастланган.
Суриштирувларда ЙТҲ автобус ҳайдовчиси айби билан содир этилган деб топилган. Автобусга етказилган моддий зарарни қоплаш ҳайдовчи зиммасига юкланган.
Қайд этилишича, ҳозирда ҳолат Тошкент шаҳар ИИББ ЙҲХБ ходимлари томонидан расмийлаштирилиб, суриштирув ишлари олиб борилмоқда.
Совуқ, қор ва ёмғир: янги ҳафта учун об-ҳаво маълумоти эълон қилинди
«Қиёмат музлиги» кутилганидан тезроқ хавф сола бошлади
Бугун кечқурун ва кундузи ёмғир ва қор ёғиши кутилмоқда
