Тошкент марказида собиқ турмуш ўртоғи ва яна уч кишини қасддан уриб кетган 27 ёшли эркакка нисбатан безорилик ҳамда қасддан одам ўлдиришга уриниш моддалари бўйича жиноят иши қўзғатилди, дея хабар бермоқда пойтахт ИИББ.
ИИББ маълумотларига кўра, 01Н014FC давлат рақамли Tracker автомобилини Б.Р. (тўлиқ исми келтирилмаган) бошқарган. Жиноят 26 март куни туш пайтида Ниёзбек йўли кўчасида келиб чиққан жанжалдан сўнг содир этилган. Кузатув камераларидаги тасвирларда воқеадан аввал бошқа одамлар кўз ўнгида икки эркак муштлашаётганини кўриш мумкин.
Кўчада кетаётган одамлар машина зарбасидан учиб кетган. Расмий маълумотларга кўра, эркакнинг собиқ турмуш ўртоғи ва унинг таниши енгил тан жароҳати олиб, шифохонага ётқизилган.
ИИББ видеотасвирларида автомобилнинг капоти пачоқлангани, олд ойнаси сингани ва қон излари борлиги кўринади.
Юнусобод тумани прокуратураси Жиноят кодексининг 25, 97-моддалари (Қасддан одам ўлдиришга суиқасд қилиш) ҳамда 277-моддаси (Безорилик) бўйича жиноят иши қўзғатди.
Тошкент шаҳри ИИББ ЙҲХБ томонидан ҳар томонлама ва холис тергов ўтказиш ҳамда қонуний қарор қабул қилиш ваъда қилинди. Жиноят иши ИИВ, ИИББ ва прокуратура раҳбарияти назоратига олинган.
Ҳусановнинг финалдаги ўйини қандай баҳоланди?
Гўшт нархи кескин ошмоқда
Пентагон Эронга ўз қўшинларини жойлаштириш сценарийсини тайёрламоқда
