Тошкент шаҳри. 2021 йилнинг 15 январь куни соат тахминан 22:00 да Олмазор тумани Уста Ширин кўчасида жойлашган қандолат ишлаб чиқариш цехида ёлланма ишчи бўлиб ишловчи вояга етмаган 16 ёшли Бахтишод Д.,га ўзига юклатилган вазифаларни бажараётган вақтида қандолат маҳсулотларини бўлакларга бўлиш учун мўлжалланган дастгоҳга қўли кириб кетиши натижасида “ўртача оғир” тан жароҳати олган.
Олиб борилган терговга қадар текширув ҳаракатлари натижасида, ушбу қандолат ишлаб чиқариш цехида иш берувчи 55 ёшли Хайрулла Р., вояга етмаган Бахтишод Д. билан меҳнатни муҳофаза қилиш бўйича йўриқнома ўтказмаганлиги ҳамда билим савиясини текшириш ишларини ташкил этмаганлиги, техник хавфсизлик қоидаларини тушунтирмаганлиги аниқланди.
Мазкур ҳолат юзасидан Олмазор тумани бўйича ИИО ФМБ ҳузуридаги Тергов бўлинмаси суриштирувчиси Ш.З.Саъдуллаев томонидан Хайрулла Р.,га нисбатан Ўзбекистон Республикаси Жиноят кодексининг 257-моддаси 1-қисми (Меҳнатни муҳофаза қилиш қоидаларини бузиш) билан жиноят иши қўзғатилган.
Ҳозирда тергов ҳаракатлари давом этмоқда
Айни дамларда жаҳон тарихидаги энг йирик дронлар ҳужуми амалга оширилмоқда — CNN
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Тожикистон чегарачилари етти нафар афғонни отиб ўлдирди
