20 февраль куни 10-синф ўқувчиси, 2003 йилда туғилган М.М. ўзи билан мактабга пневматик милтиқ, газ баллонлар, ниқоб ва бошқа ўқ-дорилар олиб келганлиги аниқланган. Бу ҳақда Дарё хабар берди.
Ҳуқуқни муҳофаза этиш органларининг мазкур сайтга маълум қилишича, ушбу ҳодиса 20 февраль куни 5-сонли умумтаълим мактабида профилактика инспектори томонидан мактаб сумкаларини текшириш вақтида аниқланган.
Боланинг сумкасида 1 дона MINI UZI IWI 16C30245 рақамли глушители билан бирга пневматик автомат, 4 та пневматик газ баллон, 1 дона пневматик автомат учун магазин, бир пластмасса идишда 1,5 мингга яқин металл золдир ва бош учун маска топилган.
Ҳолат бўйича дастлабки тергов ишлари олиб борилмоқда.
Manba: xs. uz
