“Толибон” вакиллари Ўзбекистонда

Бугун, 11 август куни Ўзбекистон ташқи ишлар вазирлиги хабар беришича, “Толибон” ҳаракати делегацияси 7-10 август кунлари амалий ташриф билан Ўзбекистонга келган.

Қатар давлатида жойлашган “Толибон” ҳаракати сиёсий идораси раҳбари Шер Муҳаммад Аббос Станикзай бошчилигидаги делегация Ташқи ишлар вазирлигида қабул қилинган.

Учрашувда Афғонистонда тинчлик ўрнатиш, расмий Қобул билан барқарор вазият яратиш бўйича келишувга эришиш истиқболлари муҳокама қилинган.

Manba: qalampir.uz