«Толибон» ҳаракати (Россия Федерациясида тақиқланган) вакиллари Доҳада бўлиб ўтадиган Афғонистон бўйича БМТ конференциясида иштирок этади. Тадбир 30 июнь - 1 июль кунларига мўлжалланган.
Бу ҳақда ҳаракат вакили Забиҳуллоҳ Мужоҳид ТОЛО Неwс телеканалига маълум қилди.
Унинг сўзларига кўра, бундай қарор толиблар томонидан «йиғилиш кун тартибини кўриб чиққандан кейин» қабул қилинган.
Яқинда хорижий ахборот агентликлари раҳбарлари билан учрашувда Владимир Путин Россия Толибон ҳукумати билан муносабатларни яхшилашга ҳаракат қилишини айтди .