“Ўзбекистон 24” телеканалида Тошкентдаги бир неча йилдан бери ўз ҳолига ташлаб қўйилган, таъмирланмаган йўлларнинг аҳволи кўрсатилди.
"Uznews.uz" нашрининг ёзишича, гап Фарҳод бозоридан Чўпонота кесишмасигача бўлган ҳудуд ҳақида кетмоқда. Репортажда таъкидланишича, Лутфий кўчасида ҳудуддаги трамвай линияси олиб ташланганидан кейин йўл авария ҳолатига келиб қолган. Аксига олиб, бу йўл бирор марта ҳам таъмирланмаган ва ўз ҳолига ташлаб қўйилган. Шунингдек, пиёдалар ўтиш йўлакчаси йўқ. Бундан ташқари, Ширин кўчасида тунги ёритиш чироқлари йўқ, йўл бир аҳволда, ҳар ёнда шағал ва ахлатларни кўриш мумкин.