Telegram Россиянинг айбловларини рад этди

Telegram Россиянинг “Ғарб махсус хизматлари мессенжернинг шифрланишини бузган” деган айбловларини рад этди.Бу ҳақда Reuters ъабар бермоқда.

"Россия ҳукумати томонидан мессенжеримизнинг шифрланиши бузилгани ҳақидаги баёнот атайин тарқатилган уйдирмадир", дея Теlegram'нинг расмий баёнотини келтиради агентлик.

Компания бундай баёнот берилишини Россия расмийларининг “Теlegram'ни тақиқлаш ва фуқароларни оммавий кузатув ҳамда цензура учун яратилган, давлат назоратидаги платформадан фойдаланишга мажбурлаш” ҳаракатлари билан изоҳлади.

Аввалроқ Россия алоқа вазири Максут Шадаев хорижий давлатлар махсус хизматлари Telegram'даги ёзишмаларга кириш имконига эга эканини айтганди.