Эрон пойтахти Теҳрон марказидаги Инқилоб майдонида АҚШ президенти Дональд Трамп тасвирланган йирик баннер ўрнатилди.
ОАВ маълумотларига кўра, баннерда Трамп қора тобут ичида тасвирланган бўлиб, унда инглиз тилида зўравонликка чақирувчи мазмундаги ёзув ҳам жойлаштирилган.
Хабарларга кўра, баннер 15 июль куни Эрон ва АҚШ ўртасидаги кескинлик кучайган бир пайтда пайдо бўлган. Композицияда форс тилидаги шиорлар ва сўнгги сиёсий воқеаларга оид рамзлар ҳам акс этган.
Нашрлар қайд этишича, баннер Эронда АҚШ ва Исроил раҳбарларига қарши қаратилган кескин чақириқлар янграган мотам тадбирларидан бир неча кун ўтиб ўрнатилган.
Баннер суратлари ижтимоий тармоқлар ва халқаро оммавий ахборот воситаларида кенг тарқалиб, Эрон ва АҚШ ўртасидаги давом этаётган таранглик фонида катта муҳокамаларга сабаб бўлди.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
