Ўзбекистон Республикаси Бош прокуратураси ҳузуридаги Мажбурий ижро бюроси Денов туман бўлими ходимлари томонидан ўтказилган тезкор тадбир давомида Денов шаҳар “Янги ҳаёт” маҳалласида истиқомат қилувчи фуқаро Б.Ж. яшаш хонадонининг ёрдамчи хўжалик қисми кўздан кечирилганда, 2 та қўлбола мойжувоз ускунаси ўрнатиб, пахта чигитидан ёғ ва кунжара ишлаб чиқариб, қонунга хилоф равишда муомалага киритиш билан шуғулланиб келаётганлиги аниқланган.
Ўтказилган тадбир жараёнида воқеа жойидан фуқаро Б.Ж.га тегишли бўлган икки дона мойжувоз ускунаси, кунжара 278.6 кг, мойжувоз ускунасидан ишлаб чиқарилган 772.9 кг қора ёғ маҳсулотлари ашёвий далил сифатида ҳужжатлаштириб олиб қўйилган.
“O`ztandart” агентлиги “Сурхондарё синов ва сертификатлаштириш маркази” давлат корхонасининг хулосасига кўра, ушбу қора ёғ мойжувоз ускунаси орқали, пахта чигитини пресслаш йўли билан қўлбола усулда тайёрланганлиги ва Давлат стандарти талабларига жавоб бермаслиги, яъни истеъмолга яроқсизлиги аниқланган.
Ушбу ҳолат юзасидан Мажбурий ижро бюроси Сурхондарё вилояти бошқармаси томонидан 07.01.2019 йилда Б.Ж.га нисбатан Ўзбекистон Республикаси Жиноят кодексининг 186(2) –моддаси 1-қисми билан жиноят иши қўзғатилиб, терговга тегишлилиги бўйича вилоят прокуратурасига юборилди.
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
